Qeveria bullgare ka njoftuar zyrtarisht Brukselin se do të rikthejë veton ndaj Maqedonisë së Veriut për konferencën e dytë ndërqeveritare për nisjen e negociatave.
Sofja kërkon që vetëm Tirana të lejohet në fund të vitit të nisë diskutimet për kapitujt e parë për sa kohë Shkupi nuk ka përfshirë në Kushtetutë bullgarët që jetojnë në këtë shtet.
Edhe ambasadori i BE-së në Shkup, David Geer theksoi se negociatat mund të hapen vetëm me ndryshimin e Kushtetutës. Bullgaria hoqi veton në vitin 2022 pas arritjes së marrëveshjes me Maqedoninë e Veriut, me ndërmjetësimin e Francës, por ndryshimet kushtetuese nuk janë votuar në Parlament pasi kundërshtohen nga opozita maqedonase.