Në prag të zgjedhjeve vendore, kryekomisioneri Ilirjan Celibashi u kërkon Prokurorisë së Përgjithshme, SPAK e Policisë bashkim forcash për të parandaluar krimet zgjedhore dhe incidentet ditën e votimit.
Kryekomisioneri thotë se ky koordinim duhet të bëhet deri në momentin që të përfundojë numërimi secilës kuti votimi.
“Sjell në vëmendjen Tuaj nevojën për të koordinuar ushtrimin e këtyre përgjegjësive me qëllim parandalimin dhe evidentimin e veprave penale në fushën e zgjedhjeve në mënyrë efikase, më së paku në raport me kohën. Kjo veçanërisht për periudhën nga sot deri në përfundimin e procesit të numërimit të votave”, thuhet në kërkesë.
Letra e Celibashit vjen vetëm 3 ditë nga mbajtja e zgjedhjeve vendore në 61 bashkitë e vendit.