Jo Pekini, jo Nju Jorku. Një tjetër qytet fiton titullin e më të madhit në planet. Ai ka më shumë se 32 milionë banorë të përhershëm dhe është një nga vendet më misterioze në botë. Bëhet fjalë për Chongqing, i cili ndodhet në jugperëndim të Kinës dhe është qyteti më i madh dhe më i populluar në botë.
Emri i tij mund të mos na duket i njohur, pasi po flasim për një qytet, i cili nuk është as kryeqytet. Si është e mundur që as nuk kemi dëgjuar për të? Arsyeja është se Kina nuk e konsideron si qyteti më i rëndësishëm dhe kështu lajmet nga vendi më i populluar në botë vijnë kryesisht nga Pekini dhe Shangai.
Chongqing është i mbushur me grataçela, ura futuriste dhe një metro që në disa seksione kalon nëpër ndërtesa! Vizita në këtë qytet kinez nuk është vetëm interesante, por edhe shumë e lirë. Kostoja e jetesës është e ulët. Kjo është arsyeja pse të jesh turist në Chongqing të lejon të vizitosh të gjithë qytetin rehat dhe pa shpenzuar shumë.
Vlen të përmendet se Chongqing-u është aq i madh sa mund të duhen dy ditë për të kaluar nga një vend në tjetrin. Mund të thuhet se madhësia e këtij qyteti është madhësia e tërë Austrisë. Gjë që e justifikon disi faktin se ka një popullsi kaq të madhe.