Më datë 16 mars pritet të mbërrijë në Tiranë, përfaqësuesi i Lartë i Bashkimit Evropian, Josep Borrell dhe komisioneri Evropian për fqinjësinë dhe Zgjerimin, Oliver Varhely.
Mësohet se fokusi i këtij takimi do të jenë diskutimet për Këshillin e stabilizim Asocimit që pritet të mbahet në vendin tonë. Theksojmë që Këshilli i Stabilizim-Asociimit mblidhet një herë në vit për të kryer një vlerësim të përgjithshëm mbi implementimin e Marrëveshjes së Stabilizim Asociimit dhe shqyrton çdo çështje të rëndësishme që del në kuadër të zbatimit të saj.
Dialogu politik në nivel parlamentar midis Shqipërisë dhe BE-së zhvillohet në kuadrin e MSA-së, i cili parashikon krijimin e Komisionit Parlamentar të Stabilizim Asociimit, që përbëhet nga anëtarë të Parlamentit Europian dhe Kuvendit të Shqipërisë
Një pjesë e rëndësishme e këtij takimi pa dyshim do të jetë edhe integrimi i vendit në Bashkimin Europian.