Ish presidenti i Rusisë dhe aleati i presidentit Vladimir Putin, Dmitri Medvedev theksoi se furnizimi i vazhdueshëm me armë në Kiev nga Perëndimi ngre rrezikun e një katastrofe bërthamore globale, duke përsëritur kërcënimin e saj për luftë bërthamore për Ukrainën.
Retorika e Dmitri Medvedev rreth ‘apokalipsit’ shihet si një përpjekje për të parandaluar aleancën ushtarake të NATO-s të udhëhequr nga SHBA dhe aleatët perëndimorë të Kievit që të përfshihen edhe më shumë në luftën që po zhvillohet për një vit, me Moskën që ka pësuar humbje në fushat e betejës.
Komentet e fundit nga Medvedev, i cili është zëvendës/president i këshillit të sigurimit të gjithëfuqishëm të Putinit, pasojnë kërcënim bërthamor të presidentit rus javën e kaluar dhe deklaratat e tij dje e përshkruanin konfrontimin e Moskës me Perëndimin si një betejë ekzistenciale për mbijetesën e Rusisë dhe popullit rus.
“Natyrisht, dyndja e armëve mund të vazhdojë… dhe të parandalojë çdo mundësi të ringjalljes së negociatave,” tha Medvedev.
“Armiqtë tanë po bëjnë pikërisht këtë, ata nuk duan të kuptojnë se qëllimet e tyre do të shpien domosdoshmërisht në një fiasko absolute. Humbje për të gjithë. Shembja. Apokalipsi. Aty ku harron për shekuj me radhë jetën tënde të kaluar, derisa rrënojat të mos lëshojnë më radioaktivitet”, ka thënë ai.
