Një nga gjetjet më të rëndësishme arkeologjike të Mesopotamisë së lashtë u zbulua nga arkeologët në Irak, pasi arritën të nxjerrin në sipërfaqe rrënojat e një tempulli sumerian 4500-vjeçar kushtuar zotit të vetëtimës së pranverës (Ningirsu), siç raportohet nga Muzeu Britanik.
Tempulli i zhdukur prej shekujsh është ndërtuar me tulla balte dhe ka qenë në të kaluarën një “xhevahir” mbresëlënës i qytetit antik të Girsu (Girsu) i cili tani është kthyer në një vend arkeologjik të njohur si “Tello”.
“Në zemër të qytetit të Girshu, ne zbuluam – dhe ende po gërmojmë – një nga vendet e shenjta më të rëndësishme në të gjithë Mesopotaminë e lashtë: një tempull kushtuar perëndisë që ishte gjithashtu sundimtari i qytetit,” shpjegoi gjatë një prezantim në Muzeun Britanik në Londër Sebastian Rey, kryearkeologu atje.
Girshu ishte një qendër e gjallë kulturore në zemër të Mesopotamisë, një zonë e gjerë midis lumenjve Eufrat dhe Tigër, duke përfshirë Irakun, Sirinë lindore, Turqinë juglindore, një pjesë të Iranit perëndimor dhe Kuvajtin, dhe shtëpia e disa prej qytetërimeve më të hershme.
