Sipas një sondazhi të fundit “Wy We Are Now ” tre janë prioritetet kryesore në një marrëdhënie: ndershmëria, përkushtimi dhe komunikimi.
Shumë herë çiftet, sidomos kur vijnë në jetën e tyre fëmijët, harrojnë se që lidhja e tyre të mbetet e shëndetshme dhe e fortë, duhet të kalojnë kohë së bashku përveç detyrimeve të përditshme. E ndërsa përditshmëria mund të “gëlltisë” humorin dhe qëllimin e mirë që kemi ndaj partnerit dhe marrëdhënies sonë, janë tre hapa që mund të ndërmerrni për të mbajtur ndezur shkëndijën në marrëdhënien tuaj. Në fakt nuk do të “vjedhin” aspak kohë nga detyrimet tuaja.
TV, celularë dhe lëvizje të vogla
Kur jeni duke pushuar natën para televizorit, kompjuterit ose celularit, në vend që të uleni larg njëri-tjetrit, merrni batanijen dhe uluni pranë partnerit tuaj. Shikoni së bashku atë video që ju bëri të qeshni ose të kapeni për dore. Shijoni një gotë verë në mbrëmje pas punës dhe pasi fëmijët të flenë (nëse keni) ose bëni një masazh njëri-tjetrit. Lëvizjet e vogla çdo ditë mund t’ju ndihmojnë të kaloni më shumë kohë cilësore me tjetrin. Gjeni atë që ju përshtatet më së miri.
Shikoni njëri-tjetrin në sy
Shanset janë që jeni në celular ose jeni duke bërë disa punë nëpër shtëpi kur partneri juaj ju tregon se çfarë i ndodhi këtë mëngjes në punë. Sidoqoftë, përpiquni t’i kushtoni vëmendje bisedës dhe shikojeni në sy. Në këtë mënyrë ju tregoni se ajo që po ndodh në jetën e tij është e rëndësishme për ju dhe ai ndjen se ka dikë me të cilin të flasë për atë që e shqetëson.
Bëni aktivitete së bashku
Po flasim për aktivitete të përditshme, si punët e shtëpisë dhe marrëdhëniet me fëmijët. Në mëngjes, për shembull, përgatitni mëngjesin së bashku ose nëse është e mundur, çojini fëmijët në shkollë në këmbë ose me të njëjtën makinë. Shkoni për një shëtitje të shkurtër nëpër lagjen tuaj derisa fëmijët të kthehen në shtëpi nga aktivitetet e pasdites. Më mirë akoma, shtyni pastrimin ose hekurosjen për një ditë tjetër dhe kaloni atë kohë me njëri-tjetrin.