Pep Guardiola mund t’i ketë orët e numëruara në pankinën e Manchester City. Si pasojë e akuzave për parregullsi financiare, trajneri katalanas do të largohet në rast se shpallet fajtore dhe klubi përballet me sanksione. Një zhvillim që padyshim krijon tymnajë për Guardiolën, me 52-vjeçarin që tashmë do të duhet të mendojë për të ardhmen. Shumë pista gjenden në tavolinën e ish-trajnerit të Barcelonës, ku e ardhmja shihet në pankinën e një kombëtareje.
Sipas mediave britanike, 6 janë destinacionet e mundshme për Guardiolën. Kombëtarja braziliane është ajo që intrigon më tepër në këtë moment. Spanjolli e refuzoi stolin e Seleçao, gjithsesi në rast se ai pozicion do mbetet vakand, trajneri mund të rishikonte ofertën. Një tjetër pistë për Guardiolën është ajo që e dërgon tek kombëtarja Argjentinase. Edhe pse Scaloni forcoi pozitat pas triumfit në Kupën e Botës, Albicelestët do tentonin të merrnin në kombëtare një emër me tepër peshë si 52-vjeçari. Idea për tu bashkuar me Lionel Messin do e intrigonte Guardiolën për të firmosur me kampionët e Botës, gjithmonë nëse largohet nga Manchester City.
Kontakte ka pasur edhe me kombëtaren e Holandës. Nëse ndodh që firmos me tulipanët, Guardiola do ndiqte gjurmët e mësuesit të tij, Johan Cruyff. Një tjetër kombëtare interesante për të do ishte Spanja, gjithsesi, konfliktet politike për shkak se Guardiola është katalanas ndërlikojnë jo pak këtë opsion. Edhe Anglia është një tjetër pistë, gjithsesi një arsyeje që mund të prish bisedimet është fakti që nuk është anglez. Megjithatë, mund të jetë një destinacion interesant për një kombëtare në kërkim të suksesit. Ndërkaq, në nivel klubesh, PSG është pista më konkrete për Guardiolën, gjithmonë nëse Galtier nuk bind në arenën Europiane.