“Sunny Hill Festival” ka bërë me dije se është nominuar nga “Europian Festival Awards” për dy kategori çmimesh ndërkombëtare për vitin 2022. Kategoritë ku është nominuar festivali janë përkatësisht “Best Medium-Sized Festival” për SHF në Prishtinë dhe “Best New Festival” për SHF në Tiranë.
Ndërmjet rrjeteve sociale Sunny Hill ka njoftuar se është në garë me disa nga festivalet më të mëdha muzikore europiane.
Si organizatore e këtij festivali të suksesshëm, Dua Lipa ka ndarë lajmin me fansat e saj në Instagram, duke i ftuar të votojnë.
Njoftimi i plotë:
Dashuria juaj verore, Sunny Hill Festival, është nominuar nga European Festival Aëards 2022 në dy kategori: Festivali më i mirë i ri (për edicionin e Tiranës) dhe Festivali më i mirë i përmasave mesatare (Edicioni i Prishtinës).
Tani ju mund të luani rolin tuaj! Le t’i tregojmë botës se kujtimet tuaja verore me edicionet tona në Prishtinë dhe Tiranë ia vlenin vërtet.
Votoni dhe përhapni fjalën. Sunny Hill Festival ka nevojë për gjithë dashurinë dhe mbështetjen tuaj. Le ta bëjmë atë të numërohet – çdo votë ka rëndësi.
