Shikimi shumë i shpejtë mund të jetë çelësi i suksesit dhe veçantia në talentin që kanë disa njerëz. Këtu mund të renditen sportistë, të cilët kanë kapacitetin të përceptojnë më shumë inpute vizive në sekondë, duke rezultuar kështu më efikasitet në performancat që kanë të bëjnë me shpejtësinë.
Një studim i Universitetit Trinity College i Dublinit dhe i publikuar në revistën Plos One shpjegon se shpejtësia me të cilën shikimi ynë percepton botën përkufizohet me termin rezolucion kohor dhe në një farë mënyrë i ngjan komandës refresh me të cilën përditësohet ekrani i kompjuterit.
Studiuesit vëzhguan një grup prej rreth 100 vullnetarësh në testin e perceptimit viziv dhe rezultoi se shumica e tyre nisën të shihnin dritën në një frekuencë prej 35 luhatjesh në sekond, ndërsa të tjerë kur kjo arrin në 60 herë në sekond.
Sipas tyre, kjo mund të shpjegojnë diferencat individuale në shpejtësinë e perceptimit dhe sa evidente mund të bëhen këto në situata të tilla kur syri percepton objekte në lëvizje. Kjo nënkupton se disa njerëz pra kanë avantazh në krahasim me disa të tjerë, pasi shikimin e kanë më të ndjeshëm e me të shpejtë, dhe rrjedhimisht edhe reflekset janë të tilla.
