Ndodh të jemi më shumë kritikues i vetes se sa admirues. Mundohemi të krahasohemi me dikë tjetër në disa aspekte, me idenë se ai/ajo ka disa gjëra që ne nuk i kemi, ose bën një punë shumë herë më mirë se ne. E rëndësishme është që secili nga ne ta dojë veten ashtu siç është, por edhe duke lënë vend për përmirësime.
Të përdorim burimet tona për të marrë atë që duam
Është ironike që gjithmonë na bëjnë përshtypje njerëz me personalitet të mëdhenj. Na pëlqejnë njerëzit unikë që bien në sy dhe nuk pretendojnë të jenë ata që nuk janë. Çuditërisht, ne e admirojmë atë cilësi tek ata, duke mos parë që ndoshta edhe ne kemi cilësitë tona unike. Le t’i shikojmë të tjerët si burim frymëzimi. Ata mund të na japin ide, madje mund të imitojmë një pjesë të asaj se si janë, por të kombinuara me pjesët tona dhe në varësi të asaj që na nevojitet.
Krahasoni sa të doni, por nuk do të bëheni kurrë ata
Pavarësisht nga të gjitha krahasimet e dhimbshme që bëjmë, ne nuk mund të bëhemi ai person. Ju keni jetën tuaj, ju pëlqejnë gjëra të ndryshme, jeni origjinal. Edhe pse pretendoni, personaliteti juaj nuk është i njëjtë me atë të dikujt tjetër. Ndaloni së fokusuari në dëshirat tuaja të paplotësuara.
Le të pranojmë se “nuk jemi perfekt”
Askush nuk është perfekt dhe as ne nuk jemi. Megjithatë, ndonjëherë ne perceptojmë gabimisht se të tjerët janë të përsosur. Le të mendojmë për herët kur i kemi mbajtur lotët derisa të jemi vetëm për të qarë, që të mos dukemi të dobët.
Vendosni për vlerat tuaja
Kur je i vogël pranon vlerat e njerëzve më të afërt, zakonisht prindërve. Megjithatë, këto vlera nuk janë tuajat, edhe nëse i keni adoptuar ato. Ndërgjegjësimi për këtë do t’ju japë një shans për të vendosur për vlerat tuaja dhe për të lënë ato që nuk ju përkasin të ikin dhe të mos ndiheni keq për këtë. Në fund të fundit, ne nuk kemi të gjithë të njëjtat vlera.
Të duam veten do të na japë aftësinë për të dashur të tjerët
Për t’u dhënë diçka të tjerëve, së pari duhet të fillojmë nga vetja. Për shembull, nëse e doni veten ashtu siç jeni, do të jeni shumë më tolerantë me të tjerët dhe me mënyrën se si ata mendojnë. Kjo është një gjë shumë e mirë, dhe ju do të shihni edhe shpërblimet e saj. Duke e trajtuar veten ashpër, duke e rrahur veten për gabimet tona dhe duke harruar të festojmë sukseset tona.