Kur kanë kaluar gati 1 javë nga tërmete, bilanci sa vjen dhe rritet dita ditës. Numri i të vdekurve nga tërmetet Turqi-Siri ka kaluar mbi 41 mijë persona, e ndërsa edhe në raste fatkeqësie nuk kanë munguar abuzimet. Një shofer kamioni në Turqi është arrestuar në flagrancë teksa tentonte të shiste në tregje të ndryshme të vendit materialet e ndihmave të mbledhura për të prekurit nga tërmetet e fuqishme të 6 shkurtit në Juglindje të Turqisë.
Në deklaratën e kryer nga Kryeprokuroria Publike, thuhet se ka nisur hetimi pasi është konstatuar se në disa tregje të qytetit shiteshin materiale ndihme humanitare me ushqime, të dërguara nga Ankaraja në zonat e tërmetit.
Drejtuesi i kamionit Y.Ö është arrestuar nga Gjykata Penale e Paqes për veprën penale “Shpërdorim besimi”, duke përfituar në këtë mënyrë nga fatkeqësia e të prekurve nga kjo tragjedi.
Ndërkohë, operacionet e kërkimit shpëtimit, vijojnë, ndonëse shpresat janë të pakta, nuk kanë munguar rastet e mrekullive.
