Një 39-vjeçar është plagosur me armë zjarri në Burrel. Ngjarja ka ndodhur në mëngjesin e sotëm rreth orës 04:30. Policia ka identifikuar autorin që është një 38-vjeçar me iniciale B.K., i cili ka mundur të largohet dhe është shpallur në kërkim. 38-vjeçari B.K., ka plagosur me armë zjarri pistoletë 39-vjeçarin me iniciale A.D, i cili ndodhet në spital jashtë rrezikut për jetën.
Sipas njoftimit të policisë i plagosuri dhe autori kanë qenë në një lokal duke konsumuar alkool dhe pasi kanë dalë nga lokali, janë konfliktuar për motive të dobëta.
