Mediat britanike ditën e sotme kanë si artikull të kryesor zhdukjen e aktorit të famshëm Julian Sands. Ky i fundit njihet për rolet e tij të spikatura sidomos në filmat “A Room With a View” dhe “Warlock”. Sipas asaj që transmetojnë mediat britanike, aktori Julian Sands është zhdukur në malet e Kalifornisë Jugore.
Alarmin për zhdukjen e tij e ngriti gruaja e 65-vjeçarit e cila teksa ka dhënë deklaratën e saj në polici, ka konfirmuar se bashkëshorti i saj kishte dalë për një ecje në zonën Baldy Bowl të maleve San Gabriel dhe nuk ishte kthyer më.
Ekipet kanë nisur menjëherë një kërkim për aktorin, por përpjekja u ndërpre për shkak të rreziqeve të ortekëve dhe kushteve të këqija të atmosferike. Kërkimet me helikopterë dhe avionë drone kanë vazhduar, megjithatë, dhe autoritetet planifikojnë të rifillojnë një kërkim tokësor sapo të lejojnë kushtet e motit.
