Tensione janë regjistruar në protestën e kësaj të enjteje për vrasjen e 7-vjeçares nga zyrtari i policisë, Arjan Tase në plazhin e Potamit, teksa qytetarët janë përplasur me policinë.
Kjo ka sjellë dhe frikë te fëmijët e pranishëm që kanë nisur të qajnë.
Përplasja ka zgjatur pak minuta, teksa policia është vendosur gardh për të mos lejuar avancimin e protestuesve.
Një i moshuar në protestë i është afruar oficerëve që bëjnë rreshtin e parë të kordonit, gjatë momentit të tensionit duke thënë: “Unë jam 72 vjeç. Nuk ju vjen turp. Jeni bërë bashkëpunëtorë me krimin. T’ju vijë zor që mbroni këta hajdutë”.