FIFA dhe Federata e Futbollit të Amerikës së Jugut (Conmebol) i kanë shkruar një letër Konfederatës Braziliane të Futbollit (CBF), ku kërcënojnë se si klubet ashtu edhe kombëtarja do të përjashtohen nga garat ndërkombëtare nëse nuk zgjidhet shpejt e pa ndërhyrje të jashtme çështja e presidencës.
Reagimi vjen pas vendimit të Gjykatës së Drejtësisë së Rio de Zhaneiros, që më 7 dhjetor mori vendimin që ta hiqte Ednaldo Rodrigues nga presidenca e institucionit të futbollit për parregullsi në zgjedhjen e tij dhe kërkoi zgjedhje të reja duke vendosur përkohësisht në krye José Perdiz.
Në letër thuhet se federatat “e lidhura me FIFA-n duhet të menaxhojnë punët e tyre në mënyrë të pavarur dhe pa ndikim të palëve të treta”.
Për institucionin botëror të futbollit është e palejueshme që të ketë ndikime nga palë të treta që nuk kanë lidhje me futbollin.
FIFA dhe Federata e Futbollit e Amerikës Latine do të dërgojnë një delegacion në Rio de Zhaneiro më 8 janar në përpjekje për të gjetur një zgjidhje për krizën, ndërkohë ka sugjeruar që të ndalen nismat, veçanërisht në lidhje me zgjedhjet e reja.
