Një tjetër aksident është regjistruar mëngjesin e sotëm dhe shkak duket të jetë bërë autobusi i ‘Unazës’. Policia raporton se autobusi ka përplasur një motor dhe si pasojë është plagosur një 12-vjeçar i cili ishte pasagjer në motor. Ngjarja ka ndodhur në rrugë “Ferit Xhajko”. I mituri është dërguar menjëherë në spital dhe ndodhet nën kujdesin e mjekëve.
Grupi hetimor po punon për sqarimin e rrethanave të aksidentit.
