Një aksident tragjik ka ndodhur në provincën Yozgat të Turqisë. Një autobus është aksidentuar duke shkaktuar 12 të vdekur dhe 19 të plagosur.
Nga informacionet paraprake mësohet se autobusi i cili udhëtonte nga Sivas drejt Stambollit, ka kaluar në korsinë e gabuar të rrugës, duke humbur drejtimin. Për pasojë, autobusi është përmbysur në një pyll.
Dyshohet se shkak për aksidentin është bërë pakujdesia, ndërsa vijojnë hetimet për të zbardhur ngjarjen. Të plagosurit janë dërguar në spital për të marrë ndihmën e nevojshme mjekësore.
